Үлкен шығынсыз маркетингті қалай оңтайландыруға болады?
Көп компанияға сапалы маркетинг қажет, бірақ жеке маркетинг бөлімін ұстауға не қымбат мамандарды тартуға ресурсы әрдайым жете бермейді.
Осы мақсатта ірі компаниялар ЖИ-ді көптен бері пайдаланып келеді. Мысалы, Nutella Ogilvy & Mather Italia-мен бірге алгоритмдер арқылы банкаға арналған 7 миллион бірегей дизайн жасаған, осылайша өнімінің даралығын айқындаған.
Йогурт бренді Epica және Dada Agency Саммер атты нейроинфлюенсерді — тәжірибесімен бөлісіп, кеңес беріп, өнімді ұсынатын виртуалды елшіні — әзірледі.
Бұл мысалдар ЖИ маркетингтік міндеттерді сәтті орындайтынын көрсетеді. Дегенмен ірі компаниялар бұған қомақты қаржы жұмсайды. Ендеше шағын және орта бизнес мұндай технологияларды қомақты шығынсыз қалай қолдана алатынын қарастырайық.
Қандай маркетингтік міндеттерді нейрондық желілерге тапсыруға болады?
1. Мәтін жазу
Ең кең тараған міндеттердің бірі — мәтін генерациялау. Нейрондық желілер арқылы мынадай материалдарды жасауға болады:
- мақалалар,
- баспасөз хабарламалары,
- әлеуметтік желілерге посттар,
- сайттар мен маркетплейстерге тауар сипаттамалары,
- пікірлер және тағы басқалары.
Компаниялар уақыт пен қаражат үнемдейді: толық мәтіннің орнына міндет, шарттар мен үлгілерді нақтылайтын қысқа промпт жазу жеткілікті. Бұл копирайтерлерге кететін шығынды азайтуға немесе оларды жарты күндікке көшіруге мүмкіндік береді.
Нейрондық желі жасаған пост мысалы
Алайда нейрондық желілер мінсіз емес. Кемшіліктеріне мыналар жатады:
- эмоциялық контекстің болмауы. Мәтіндер шаблонды, «механикалық» болып көрінуі мүмкін;
- қателер. Нейрондық желілер кейде орфографиялық немесе мағыналық қателер жібереді;
- дәл емес деректер. Сараптамалық материалдарда жоқ зерттеулерге немесе авторларға сілтеме пайда болуы мүмкін.
Сондықтан мәтіндерді міндетті түрде қайта оқып, түзету қажет, ал керек болса редакторларды тартыңыз.
2. Фирмалық стиль әзірлеу
Бірегей фирмалық стиль құру — бизнес үшін маңызды міндет. Нейрондық желілер мына бағыттарда көмектесе алады:
- логотип әзірлеу,
- фирмалық түстер мен қаріптерді таңдау,
- қаптама, визитка және корпоративтік материалдар дизайны.
Нейрондық желі арқылы жасалған логотиптер
Бұл тәсіл әсіресе шағын компаниялар немесе бір реттік іс-шаралар үшін ыңғайлы. Алайда ЖИ жасаған жұмыстарға авторлық құқық қолданылмауы мүмкін. Мысалы, егер сгенерленген логотипті ауқымды бизнеске пайдаланғыңыз келсе, дизайнерге жүгініп, таңдалған логотипті жетілдірген дұрыс.
3. Визуалды контент жасау
Нейрондық желілер әлеуметтік желілер, сайттар және маркетплейстер үшін фото мен бейнематериалдарды дайындауға жұмсалатын шығынды азайтуға көмектеседі. Олар мыналарды істей алады:
- тауарды таңдалған фонға орналастыру,
- сұраныс бойынша нөлден бейнелер генерациялау,
- видеоға мәтін қосу,
- бейнероликтер генерациялау.
Мұндай технологиялар фотографтар мен дизайнерлерге жұмсалатын шығынды қысқартуға мүмкіндік береді. Дегенмен ЖИ жасаған визуалды материалдарды авторлық құқық тұрғысынан тексеру қажет. Әсіресе адамдар бейнеленген суреттерді генерациялау кезінде қателер болуы мүмкін.
Нейрондық желі арқылы жасалған сурет
4. Фотосессия ұйымдастыру
Егер компанияңыздың ассортименті жиі жаңарып тұрса, нейрондық желілер фототүсірілімге кететін шығынды азайтуға көмектеседі. Фотографтарды жалдап, студия арендаға алудың орнына, тауардың фотосын бағдарламаға жүктеп, параметрлерді көрсетсеңіз, дайын бейнелер аласыз. Бұл кәсіби фотосессияға қаржы салуға әзір емес бизнес үшін өзекті.
Нейрондық желі арқылы жасалған фотосуреттер
5. Жарнамалық кампанияларды іске қосу
Нейрондық желілер жарнаманы баптауды жеңілдетеді. Сіз бизнесіңізді сипаттайсыз, ал алгоритм мақсатты аудиторияны ұсынады, жарнама мәтіні мен визуалды контентті генерациялайды. Бұл материалдарды жарнама кабинетінге жүктеп, кампанияны іске қосуға болады.
Алайда тәуекелдер бар: нейрондық желі күткеніңізге сәйкес келмейтін аудиторияны ұсынуы мүмкін. Сондықтан ұсынылған баптауларды тексеру маңызды.
Жарнамалық кампанияға арналған сұраныс мысалы
6. Клиенттермен байланыс
Нейрондық желілер негізінде жасалған чат-боттар клиенттермен тәулік бойы байланыста болуға көмектеседі. Олар сұрақтарға жауап береді, тапсырыс қабылдайды және қарапайым міндеттерді шешеді, бұл персоналға кететін шығынды азайтады. Сәтсіздіктерге жол бермеу үшін боттардың жұмысын уақтылы жаңартып, түзетіп отыру маңызды.
Бот жұмысы алгоритмінің мысалы
Нейрондық желілерді тиімді қалай пайдалану керек?
Жоғарыда аталған міндеттер шағын және орта бизнеске шығынды оңтайландырып, уақыт үнемдеуге көмектеседі. Алайда нейрондық желілер — бақылауды қажет ететін құрал. Оларды пайдалану кезінде мыналарды ескерген жөн:
- материалдарды пысықтау қажеттігі,
- құқықтық тәуекелдер,
- технологияның шектеулері.
Сонымен бірге нейрондық желілер күрделі сұрақтарға креативті жауап ұсынып, жаңа идеялар генерациялай алады және стандарттан тыс міндеттерді шешуге көмектеседі. Бірақ нейрондық желілер — адам еңбегінің баламасы емес, қызметкердің жұмысын жеңілдететін ыңғайлы құрал екенін ұмытпаған жөн.
