Жеке кәсіпкерлерге арналған жеңілдетілген декларация — Қазақстандағы ең қолжетімді әрі ыңғайлы салық режимдерінің бірі. Мұндай форматта есепке алу рәсімдері минимум, ал есептілікті тапсыру үдерісі барынша қарапайым. ЖК, әсіресе қызметкер ұстамаса, бухгалтерсіз де жұмыс істей алады.
Қазақстандағы жеңілдетілген режимдегі ЖК: бұл режимді кім таңдай алады
ЖК жеңілдетілген режимді барлық шарт бір мезетте орындалған жағдайда ғана қолдана алады.
| № | Көрсеткіш | Шектеу |
| 1 | Қызметкерлер саны (ЖК-ні қоса есептегенде) | 30 адамнан аспау керек |
| 2 | Басқа елді мекендердегі құрылымдық бөлімшелер, филиалдар немесе салық салу объектілері | Рұқсат етілмейді |
| 3 | Жартыжылдық айналым (ТИС-сіз) | 24 038 АЕК-ке дейін (2025 ж. — 94 517 416 тг.) |
| 4 | Жартыжылдық айналым (ТИС-пен) | 94 086 АЕК-ке дейін (2025 ж. — 369 946 152 тг.) |
| 5 | Қызмет бағыты | ҚР СК 683-бабының 2-тармағы 3) тармақшасында көрсетілгендерден басқа — кез келген |
01.01.2025 бастап АЕК мөлшері 3 932 тг.
Назар аударыңыз:
- Кемінде бір шарт бұзылса, ЖК автоматты түрде жалпыға бірдей белгіленген тәртіпке (ЖБТ, ОУР) ауысады.
- ЖБТ-ге (ОУР) ерікті түрде де өтуге болады. Ол үшін Салық төлеушінің кабинетінде өтініш беріңіз.
2025 жылы мына салаларда жұмыс істейтін кәсіпкерлер жеңілдетілген режимді қолдана алмайды:
- консалтинг пен маркетинг;
- лицензия негізіндегі цифрлық майнинг (I қосалқы түрі);
- нарықтарды жалға беру және пайдалану;
- жерасты қойнауын пайдалану (старательдік лицензиядан басқа);
- қонақүй бизнесі (салық төлеушінің екіден көп нысаны болса);
- сауда орындарын субжалға беру (әсіресе 1 және 3 разрядтағы стационар нүктелер).
Қызметкерлері жоқ жеңілдетілген режимдегі ЖК қандай салықтар төлейді
Жеңілдетілген режимдегі, қызметкерлері жоқ ЖК салықтар мен жарналарды тек өзі үшін төлейді.
| № | Салық/төлем | Мөлшерлеме | Төлеу мерзімі |
| 1 | ЖТС және әлеуметтік салық | Табыстан 3% (1,5% ЖТС + 1,5% әлеуметтік салық) | Жарты жылда 1 рет: 25 тамызға дейін және 25 ақпанға дейін |
| 2 | МЗЖ (өз пайдасына) | Еңбекақыдан 10% | Ай сайын, айдың 25-іне дейін |
| 3 | Әлеуметтік аударымдар | Еңбекақыдан 5% | Ай сайын, айдың 25-іне дейін |
| 4 | МӘМС жарналары | 1,4 ЕТЖ-ден 5% (2025 ж. — 5 950 тг.) | Ай сайын, айдың 25-іне дейін |
Қосымша ЖК ЖБМЗЖ (жұмыс берушінің міндетті зейнетақы жарналары) төлейді:
- 2025 ж. мөлшерлеме — 2,5%;
- 01.01.1975 жылдан кейін туған адамдар үшін төленеді.
Есептеу базасы:
- МЗЖ — айына 1–50 ЕТЖ аралығы;
- әлеуметтік аударымдар — 1–7 ЕТЖ.
Еске саламыз: 01.01.2024 ЕТЖ = 85 000 тг.
Егер қызметіңіз ресми түрде тоқтатылса — есептілік тапсырып, салық төлеу қажет емес. Тоқтатылмаса, табыс болмаса да есептілік тапсырылады.
Қызметкерлері бар ЖК қандай салықтар төлейді
ЖК қызметкерлерді жалдаса, олардың еңбекақысынан келесі салықтар мен төлемдер төленеді:
- 10% ЖТС (жеке табыс салығы);
- 10% МЗЖ (міндетті зейнетақы жарналары);
- 2,5% ЖБМЗЖ (жұмыс берушінің міндетті зейнетақы жарналары);
- 5% әлеуметтік аударымдар;
- 3% МӘМС жарналары;
- 2% МӘМС аударымдары.
Барлық төлемдер қызметкердің кірісі бойынша есепті айдан кейінгі айдың 25-іне дейін ай сайын төленеді.
Жеңілдетілген режимдегі ЖК қызметкерлер үшін әлеуметтік салық төлемейді.
Сондай-ақ жұмыс берушілер міндетті:
- еңбекке жарамсыздық парағын төлеу (айына 25 АЕК-ке дейін);
- жыл сайын кемінде 24 күнтізбелік күн демалыс беру;
- пайдаланылмаған демалыс үшін өтемақы төлеу.
ҚҚС төлеу қажет пе
Жеңілдетілген режимдегі ЖК үшін ҚҚС бойынша есепке қою:
- міндетті,
- не ерікті болуы мүмкін.
Табыстың лимиттері ТИС қолданылуына байланысты.
| № | Шарт | Жылдық лимит | ҚҚС бойынша міндет |
| 1 | ТИС-сіз | 20 000 АЕК (2025 ж. — 78 640 000 тг.) | Лимит асса, ҚҚС бойынша есепке тұру қажет |
| 2 | ТИС-пен | 144 184 АЕК (2025 ж. — 566 931 488 тг.) | Лимит асса, ҚҚС бойынша есепке тұрып, қолма-қол және қолма-қолсыз төлемдер бойынша бөлек есеп жүргізу қажет |
Лимит асқан жағдайда:
- ЖК ҚҚС төлеуші ретінде тіркеледі;
- «жеңілдетілген» 3% салыққа қосымша 12% ҚҚС төлейді;
- 300.00 нысан бойынша декларацияны тоқсан сайын тапсырады.
Жеңілдетілген режим бойынша жартыжылдық лимиттерді ҚҚС бойынша есепке қоюға арналған жылдық лимиттермен шатастырмаңыз.
ЖК есепті қалай жүргізеді
ЖК бухгалтерияны:
- өздігінен жүргізе алады;
- аутсорсингке бере алады;
- штаттық бухгалтермен жүргізе алады.
Түсім қалай рәсімделеді:
| № | Төлем тәсілі | Рәсімдеу керек |
| 1 | Қолма-қол | Онлайн-ККМ орнатып, ККМ чегін қалыптастыру |
| 2 | Банк картасы | Онлайн-ККМ орнатып, ККМ чегін қалыптастыру |
| 3 | Қосымша арқылы аудару (Kaspi, Homebank және т.б.) | Онлайн-ККМ орнатып, ККМ чегін қалыптастыру |
| 4 | ЖК шотына тауар үшін | Шот, жүкқұжат, ЭШФ |
| 5 | ЖК шотына қызмет үшін | Шот, электрондық акт (ЭАВР), ЭШФ |
ЭШФ міндетті:
- бір шарт бойынша 1000 АЕК-тен жоғары төлемдерде (2025 ж. — 3 932 000 тг.);
- ҚҚС төлеушілер, импорттық тауар сатушылары және СЭҚ қатысушылары үшін;
- халықаралық тасымал қызметін көрсететіндердің барлығы үшін.
Қазақстандағы жеңілдетілген режимдегі ЖК есептілігі
ЖК декларацияны 910.00 жарты жылда бір рет тапсырады:
- 1 — ші жартыжылдық бойынша:
- тапсыру — 01.07–15.08,
- 3% салықты төлеу — 25.08-ге дейін;
- 2 — ші жартыжылдық бойынша:
- тапсыру — келесі жылдың 01.01–15.02 аралығы,
- 3% салықты төлеу — 25.02-ге дейін.
Жауапкершілік және айыппұлдар
Егер жеңілдетілген режимдегі ЖК есептілікті тапсыру және салықтарды төлеу мерзімдерін қайталап бұзса, айыппұл төлеуге тура келеді.
| № | Бұзушылық | ӘҚБтК бабы | Алғаш рет | Қайта бұзу |
| 1 | Салық режимін қолдану қағидаларын бұзу | 270-бап | ескерту | 15 АЕК |
| 2 | Есепті мерзімінде тапсырмау | 272-бап | ескерту | 30 АЕК |
| 3 | МӘМС жарналары/әлеуметтік аударымдарды төлемеу | 92-1-бап | ескерту | аударылмаған соманың 20%-ы мөлшерінде айыппұл |
| 4 | МЗЖ төлемеу | 91-бап | ескерту | аударылмаған соманың 20%-ы мөлшерінде айыппұл |
| 5 | ЭШФ жазып бермеу | 280-1-бап | ескерту | 40 АЕК |
| 6 | ЭШФ бойынша мерзімін өткізу | 280-1-бап | ескерту | 20 АЕК |
| 7 | ҚҚС бойынша уақытылы тіркелмеу | 269-бап | — | 50 АЕК |
Есепті жүргізуді, есептілікті тапсыруды жеңілдетіп, қателер мен айыппұлдардың алдын алу үшін 1С шешімдерін пайдаланыңыз. Өз деректеріңізбен 7 күн тегін сынап көріңіз.
