2025 жылы арнаулы салық режимдерін (АСР) қолданған және 2026 жылғы 1 қаңтардан 28 ақпанға дейін қызметін тоқтатуды ұйғарған салық төлеушілер үшін маңызды ескерту: күшін жойған АСР бойынша салықтық есептілік нысандары қолжетімсіз болады. Сондықтан ЖК-ні жабу рәсімін белгілі бір әрекеттер тәртібімен орындау қажет.
АСР күшін жою: ЖК қызметін тоқтату тәртібі
1 — ші қадам. Салықтық есептілікті тапсыру
«Кезекті» түріндегі салық декларациясын тапсыру қажет:
- 2025 жылдың 4-тоқсаны үшін;
- немесе 2025 жылдың 2-жартыжылдығы үшін.
Есептік кезең таңдалған салық режиміне байланысты.
2 — ші қадам. Қолданылатын салық салу режимі туралы хабарламаны беру
Хабарламаның екінші бөлімінде мына мәліметтер көрсетіледі:
- «Жеңілдетілген декларация негізіндегі АСР»-ге немесе «жалпыға бірдей белгіленген тәртіпке» көшу;
- көшудің себебі — «ерікті түрде қабылданған шешім».
Таңдалған салық салу режимін қолдану басталған күн 2026 жылғы 1 қаңтар болып есептеледі.
3 — ші қадам. Қызметті тоқтатуды рәсімдеу
Қызметті аяқтау үшін қажет:
1. Қызметті тоқтату туралы салықтық өтініш беру.
2. Ликвидациялық салықтық есептілікті тапсыру:
- 2026 жылдың 1-жартыжылдығы үшін — жеңілдетілген декларация негізіндегі АСР қолданылған жағдайда (910.00 нысан);
- 2026 жылдың 1-тоқсаны (2026 жыл үшін) — жалпыға бірдей белгіленген тәртіп қолданылған жағдайда.
3. Қажет болған жағдайда қызметті тоқтату рәсімімен көзделген өзге құжаттарды ұсыну.
Маңызды: қолданылатын салық салу режимі туралы хабарлама берілмесе, қызметті тоқтату туралы салықтық өтініш қабылданбайды.
Қазақстанда ЖК-нің жабылғанын қалай тексеруге болатынын біз осы мақалада түсіндірдік.
