«Закрытие месяца» құжатында ағымдағы кезең операцияларын орындау кезінде өткен салық кезеңдеріндегі ҚҚС бойынша өзгерістерді ескеруге мүмкіндік қосылды. Ол үшін жаңа «Корректировка распределения НДС прошлых периодов» операциясы қарастырылған.
Оның қалай жұмыс істейтінін, орындау ретін және қайта есеп нәтижелерін қайдан көруге болатынын қарастырамыз.
1. «Закрытие месяца» құжатынан жаңа операцияны табыңыз
«Корректировка распределения НДС прошлых периодов» операциясы ағымдағы кезеңде тіркелген түзетулерді ескере отырып, бұрын өткен салық кезеңдері бойынша ҚҚС үлестіруін қайта есептеуге мүмкіндік береді.
Бұл мүмкіндікті пайдалану үшін:
- Ағымдағы кезең бойынша «Закрытие месяца» құжатын ашыңыз.
- «Корректировка распределения НДС прошлых периодов» операциясын табыңыз.
- Бағдарламада өткен салық кезеңдеріне қатысты қажетті түзетулер енгізілгенін тексеріңіз.
2. Операциялар ретін тексеріңіз
Түзетуге дейін ағымдағы кезең бойынша «Зачет НДС к возмещению» операциясы әлі орындалмағанына көз жеткізіңіз.
Дұрыс реттілік:
- Өткен кезеңдер бойынша ҚҚС жөніндегі қажетті түзетулерді енгізу.
- «Корректировка распределения НДС прошлых периодов» операциясын орындау.
- Одан кейін ағымдағы кезең бойынша «Зачет НДС к возмещению» орындау.
Егер зачет бойынша операция бұрыннан өткізілсе, түзетуге талпынғанда бағдарлама хабарлама көрсетеді.
Маңызды: мұндай хабарлама шықса, кезеңді жабу ретін тексеріп, қателік себебін жойыңыз. Түзету ағымдағы «Зачет НДС к возмещению»-ге дейін орындалуы керек.
3. ҚҚС үлестіруін түзетуді орындаңыз
Реттілікті тексергеннен кейін қайта есептеуді бастауға болады.
«Закрытие месяца» құжатында «Корректировка распределения НДС прошлых периодов» операциясын орындаңыз.
Осы процесте бағдарлама:
- Түзету қажет салық кезеңі бойынша «Зачет НДС к возмещению» операциясымен қалыптастырылған қозғалыстарды анықтайды.
- Бұрын қалыптасқан қозғалыстарды сторнелейді.
- Ағымдағы салық кезеңінде тіркелген өзгерістерді ескере отырып, жаңа көрсеткіштерді есептейді.
- Жаңартылған қозғалыстарды жазады.
Осылайша, түзету ағымдағы кезеңдегі есептеулерде өткен кезең өзгерістерін ескеруге мүмкіндік береді.
Маңызды: операциядан кейін қалыптасқан қозғалыстарды тексеріп, нәтижелер енгізілген түзетулерге сай екеніне көз жеткізіңіз.
4. Қайта есеп нәтижелерін қараңыз
Орындалған операцияны тексеру үшін бағдарламада қосымша мәліметтер бар.
1 — ші қадам. Түсіндірмелерді ашыңыз.
«Корректировка распределения НДС прошлых периодов» операциясындағы «Комментарии» гиперсілтемесіне өтіңіз.
Мұнда қайта есептеу кезінде бағдарлама орындайтын әрекеттер туралы егжей-тегжейлі ақпаратпен таныса аласыз.
2 — ші қадам. Түзету сомаларын тексеріңіз.
Толығырақ талдау үшін «Корректировка НДС прошлых периодов» гиперсілтемесін пайдаланыңыз.
Өткеннен кейін есеп нәтижелері бар кесте ашылады. Онда мыналар көрсетіледі:
- Түзету қатысты салық кезеңі.
- Қайта есептеу кезінде сторнеленген көрсеткіш сомалары.
- Енгізілген өзгерістерді ескеріп есептелген жаңа көрсеткіштер.
ҚҚС үлестіруіне түзетулердің ықпалын бағалау үшін сторнеленген және қайта есептелген сомаларды салыстырыңыз.
Кеңес: айды жабудың келесі операциясына дейін нәтижені тексеруге осы кестені қолданыңыз. Ықтимал алшақтықтарды анықтау жеңілдейді.
5. Ағымдағы кезең бойынша ҚҚС-ты зачетқа қойыңыз
Түзету аяқталған соң «Зачет НДС к возмещению» операциясына өтуге болады.
Орындалған кезде бағдарлама ағымдағы тоқсан бойынша өтелетін ҚҚС сомасын, өткен салық кезеңдеріндегі өзгерістерді ескере отырып, есептейді.
Жұмыс реті:
- ҚҚС үлестіруі бойынша түзету аяқталғанына көз жеткізіңіз.
- Ағымдағы тоқсан үшін «Зачет НДС к возмещению» операциясын орындаңыз.
- Өткен кезең түзетулерін ескеріп есептелген көрсеткіштерді тексеріңіз.
Назар аударыңыз
Жаңа операцияны қолданғанда мына ерекшеліктерді ескеріңіз:
- Түзету өткен салық кезеңдеріне қатысты, бірақ ағымдағы кезеңде орындалады.
- Операция ағымдағы кезеңдегі ҚҚС бойынша зачетқа дейін орындалуы тиіс.
- Қайта есептеу кезінде түзетілетін кезеңнің бұрынғы қозғалыстары сторнеленіп, жаңаларымен алмастырылады.
- Нәтижені тексеру үшін түсіндірмелер мен есептік көрсеткіштері бар кесте қолжетімді.
- Ағымдағы ҚҚС бойынша зачет енгізілген түзетулерді ескере отырып орындалады.
Қорытынды
«Корректировка распределения НДС прошлых периодов» операциясы ағымдағы кезеңді жабу барысында өткен салық кезеңдеріндегі өзгерістерді ескеруге мүмкіндік береді.
Қайта есептің дұрыс өтуі үшін операциялар ретін сақтаңыз, қалыптасқан қозғалыстарды тексеріңіз және ҚҚС бойынша зачеттың қорытынды сомаларын бақылаңыз.
