Департаментте Қазақстан азаматтары мен салық төлеушілерден Салықтық әкімшілендірудің интеграцияланған жүйесі (ИСНА) және электрондық шот-фактуралар (ЭСФ) жүйесінің жұмысына қатысты сұрақтар тұрақты түсіп жатқаны айтылды. ЭСФ қате қайтарылып алынса, ол бірден жойылмайды. Алдымен «Алушының қайтарып алуды растауын күту» мәртебесін алады да, жарамсыз болады. Бұдан арғы әрекеттер алушының ҚҚС төлеуші болуына байланысты.
Алушы ҚҚС төлеуші болса, ЭСФ-ны қалай қалпына келтіру
Алушы — ҚҚС төлеуші болса, қайтарып алу туралы сұрауды қабылдамай, құжатты қалпына келтіре алады. Осыдан кейін ЭСФ мәртебесі «Жеткізілді» немесе «Қаралмаған» болып өзгереді. Қайтарып алудан бас тартуды талап қоюдың ескіру мерзімі ішінде жасауға болады.
Алушы ҚҚС төлемесе, не істеу керек
Алушы ҚҚС төлеуші болмаса, қайтарып алудан бас тарту үшін оған 10 күнтізбелік күн беріледі. Осы мерзімде ол сұраудан бас тартпаса, қайтарып алу автоматты түрде расталады, ал ЭСФ-ға түпкі «Қайтарылды» мәртебесі беріледі.
Талап қоюдың ескіру мерзімі өтіп кетсе, ЭСФ-мен не болады
Алушы — ҚҚС төлеуші — талап қоюдың ескіру мерзімі аяқталғанға дейін қайтарып алуды растаған да, одан бас тартқан да болмаса, жүйе ЭСФ-ны қайтарып алу талпынысына дейінгі мәртебесіне автоматты түрде қайтарады.
