Пайдаланушылар бұл құжатқа өзгерістер енгізе алады: демалыс мерзімдерінің қате күндерін түзету, орташа жалақыны есептеу кезіндегі қателерді жою, сондай-ақ қызметкердің уақытша еңбекке жарамсыздығы кезеңіне демалыс күндерін ұзарту. «Отпуск» құжатында пайдаланушыға «Исправить» және «Сторнировать» атты екі батырма көрсетіледі. Соңғысын басқан кезде құжат толықтай жойылады. Ал «Исправить» батырмасын бассаңыз, құжатқа тиісінше түзетулер енгізіледі.
«Исправить» батырмасын басып, жаңа «Отпуск» терезесі ашылған соң, оның аяқталу күнін еңбекке жарамсыздық парағы күндеріне сәйкес кейінге жылжытыңыз.
Осы әрекеттерден кейін «Пересчет прошлого периода» қойындысында демалыс бойынша есептеулер түзетіледі, әрі бұл түзетулер кезеңдер бойынша, бұрын енгізілген еңбекке жарамсыздық күндеріне бөлек жасалады.
Енгізілген өзгерістерді ескере отырып, есептелген соманы «Начисление (подробно)» қойындысына өтіп бақылауға болады.
Барлық енгізілген түзетулер мен өзгерістерден кейін бастапқы құжатта өзгерістер енгізілгені туралы белгі пайда болады (қызыл жазу: «Документ исправлен и его редактирование невозможно»). Пайдаланушы «Открыть документ исправления» батырмасын басып, енгізілген өзгерістерді қарай алады.
Барлық деректер дұрыс енгізіліп, өзгерістер жүргізілген жағдайда, табельде ауытқу күндері және кезеңдер бойынша есептеулер дұрыс көрсетіледі. Бұл ақпарат есептілікте дұрыс бейнеленуі үшін қажет.
1С ЗУП-та құжаттарды кездейсоқ қайта есептеу
Бухгалтерлік жұмыс барысында өткен кезең құжаттарын кездейсоқ қайта есептеу орын алуы мүмкін. Мұны келесі тәсілдермен болдырмауға болады.
- Алдын ала тиісті баптауларды жасап (жоғарыда көрсетілген), қосымша есептеулер мен қайта есептеулерді бөлек құжатпен енгізу.
- Құжаттарды түзетуді шектеу күнін баптау.
Бірінші нұсқа, яғни жеке құжатпен енгізу жоғарыда қарастырылғандықтан, енді түзетуді шектеу күнін орнатуға қатысты екінші нұсқаға көшейік. Ол үшін пайдаланушы «Администрирование» қойындысына өтіп, «Настройки пользователей и прав» тармағын таңдайды. Содан кейін ашылған терезенің сол жақ төменгі бөлігінен «Даты запрета изменений» деген жазуды тауып, құсбелгі қойыңыз.
Осыдан кейін тыйым салу күнін орнатып, бұл тыйымның кімдерге қолданылатынын таңдаңыз: барлығына немесе нақты пайдаланушыларға, жалпы не жекелеген объектілер мен бөлімдерге. Бұл баптауды «Другие способы указания даты запрета» батырмасы арқылы жасауға болады. Оны басқанда контекстік мәзір ашылады, онда пайдаланушы өзіне қажетті нұсқаларды таңдай алады.
Осы баптаулардан кейін пайдаланушы баптауда көрсетілген күнге дейін өткен кезең құжаттарын кездейсоқ өзгертуге немесе қайта өткізуге мүмкіндігі болмайды.
1С 8.3 ЗУП және 1С-та жалақыға қосымша есептеу және соған сәйкес қайта есептеу жасауға болады. Бағдарламадағы қарапайым әрекеттерді меңгерген соң, пайдаланушылар мыналарды орындай алады:
- қажетті түзетулерді енгізіп, өткен кезеңдердегі қателерді түзету;
- қажетті баптауларды жасап, өткен кезең есептерін кездейсоқ өзгертуден қорғану.
