«Виртуалды қойма» модулі ЭШФ АЖ-ның осы модульде есепке алынған тауар қалдықтарын бақылауға арналған қосалқы жүйе. Назар аударыңыз: виртуалды қойма тауарлары бойынша электрондық шот-фактураны (ЭШФ) тек модульде тиісті қалдық болған жағдайда ғана қалыптастыруға болады.
Электрондық шот-фактураны жасау жөніндегі нұсқаулық:
Виртуалды қойма тауарлары бойынша ЭШФ қалыптастыру үшін «Тауар қалдықтары» бөліміне өтіңіз. Бұл бөлімде қалдықтар журналынан бір немесе бірнеше позицияны таңдаңыз. Таңдағаннан кейін тиісті командалар мәзірі арқылы виртуалды қоймадағы тауардың қозғалыс құжаттарын қалыптастыру мүмкіндігі ашылады.
Таңдалған тауар позициялары бойынша сатылымға ЭШФ «Шот-фактура жасау» командасы арқылы құрылады.
Құжатты жасау басталғанда, жүйе виртуалды қоймадағы таңдалған тауардың нақты қалдығы туралы хабарламаны автоматты түрде көрсетеді. Пайдаланушы сатылатын тауардың қажетті санын көрсетуі керек.
Одан әрі бағдарлама құжаттың міндетті бөлімдері мен жолдарын толтыруды ұсынады. ЭШФ қалыптастыру кезінде G бөлімі «Тауарлар, жұмыстар, қызметтер бойынша деректер» «Виртуалды қойма» қосалқы жүйесіндегі «Тауар қалдықтары» журналындағы мәліметтер негізінде автоматты түрде толтырылады. Пайдаланушы сату бағасын және ҚҚС мөлшерлемесін көрсетуі қажет.
Қалған жолдар тауарды модульге кірістеу кезінде тіркелген ақпарат негізінде автоматты түрде толтырылады.
ЭШФ АЖ-де шот-фактураны тіркеу үшін «Жіберу және қол қою» командасын орындаңыз. Құжат сәтті жасалып, ЭЦҚ-мен қол қойылғаннан кейін электрондық шот-фактура жіберілген болып есептеледі және жүйе оған тіркеу нөмірін береді.
Тіркелген құжаттарға қол жеткізу және олардың тіркелгенін растау «Шот-фактуралар журналы» бөлімінде жүзеге асырылады.
