Дәріхананы дәрілік заттарды таңбалауға қалай дайындау керек?

Алдын ала таңбалау жүйесінде (ИС МПТ) тіркеліп, тауар карточкаларын ұлттық каталогқа енгізу ұсынылады. Бұл 2022 жылғы 1 шілдеден бастап күшіне енген дәрілік заттарды міндетті таңбалауға алдын ала дайындалуға мүмкіндік береді. Таңбаланған препараттармен жұмыс істеуге арналған 1С:Аптека для Казахстана бағдарламасын пайдалануды ұсынамыз.

1С:Аптека для Казахстана жүйесінде Дәрілік заттардың мемлекеттік тізілімімен интеграция іске асырылған, сондай-ақ мемлекет белгілеген дәрілік препараттардың шекті бағаларын орнату мүмкіндігі қарастырылған.

Дәріханалық ұйым үшін дәрілік заттарды таңбалау кезеңдері

Сызбада таңбалау жүйесіне қатысу үшін дәріханалық ұйым өтуі тиіс негізгі кезеңдер көрсетілген.

Таңбалау қағидалары Қазақстан Республикасы Үкіметінің 2022 жылғы 25 сәуірдегі № 242 қаулысымен реттелген.

Енді дәріханалық ұйымдардың басшылары не істеуі керектігін толығырақ қарастырайық.

Қадамдық нұсқаулық:

1. Таңбалау жүйесінде тіркелу
   Дәрілік заттардың айналымына қатысушы ретінде дәріханалық ұйым ИС МПТ жүйесінде заңды тұлға басшысының немесе жеке кәсіпкердің электрондық цифрлық қолтаңбасын (ЭЦҚ) пайдаланып тіркелуі қажет.
   Маңызды! Алдымен NCALayer бағдарламасын орнатып, электрондық цифрлық қолтаңбаны рәсімдеу қажет.
2. Шартқа қол қою
   Таңбалау жүйесіне қосылуға арналған үлгі шарттың талаптарымен танысыңыз. Келіссеңіз, басшының ЭЦҚ-сы арқылы шартқа қол қойыңыз.
3. Қосымша деректерді толтыру
   Жеке кабинетке кіріп, қосымша мәліметтерді енгізіңіз: қатысушы түрі, тауар тобы, реквизиттер. Деректерді толтырғаннан кейін «Сақтау» батырмасын басыңыз.
4. Қызметкерлерді қосу (қажет болған жағдайда)
   Заңды тұлға басшысы ИС МПТ жүйесінде құжаттарды қарау, қол қою және өзге әрекеттер бойынша құқықтарды өз қызметкерлеріне делегей алады. Ол үшін қызметкерлер өздерінің ЭЦҚ-сын рәсімдеп, оларды жүйеге қосу қажет.
5. Жабдықтың дайындығын тексеру
   Таңбаланған дәрілік заттарды қабылдау және сату үшін қажет:

• бақылау-кассалық машина (БКМ);
• 2D-сканер немесе деректерді жинау терминалы (ТСД); не DataMatrix кодтарын оқуға мүмкіндік беретін онлайн-касса.

БКМ-ның бағдарламалық жасақтамасы 2D-сканермен немесе ТСД-мен жұмыс істеу үшін жаңартылған болуы тиіс. Сатылатын тауарлардың номенклатурасы жүктелген болуы керек — мұны БКМ нұсқаулығы бойынша өзіңіз жасай аласыз немесе техникалық қолдау орталығына жүгінуіңізге болады. Егер онлайн-касса пайдаланылса, DataMatrix кодтарын оқу функциясының бар-жоғын тексеріңіз.

6. Таңбаланған дәрілік заттарды қабылдап-беру актісін растау
   Дистрибьютор тауарды берген кезде ИС МПТ жүйесінде таңбалау кодтары мен тауарлар туралы ақпарат көрсетілген қабылдап-беру актісін қалыптастырып, өз ЭЦҚ-мен қол қояды. Дәріханалық ұйым бұл актіні тауарды фактілі қабылдағаннан кейінгі келесі күннен кешіктірмей растауға және қол қоюға міндетті. Тауарға меншік құқығы акт расталған сәттен бастап дәріханаға өтеді.
   Маңызды! Қабылдап-беру актісін ИС МПТ веб-интерфейсі арқылы ғана емес, сондай-ақ NAQTY SAUDA мобильді қосымшасы арқылы да қалыптастырып, растауға болады.
7. Дәрілік заттарды айналымнан шығару
   Сату кезінде дәріханалық ұйым 2D-сканер немесе БКМ-ге қосылған ТСД көмегімен қаптамадағы таңбалау кодын сканерлеу арқылы өнімді айналымнан шығарады.

Дәріханалық ұйым үшін дәрілік заттарды таңбалауға арналған тексеру тізімі

Қабылдап-беру актісі нысанын толтырудың жеңілдетілген мысалы (ИС МПТ)