Номенклатура ұғымы
1С-тағы номенклатура — ұйымның шаруашылық қызметінің нысаны болып табылатын тауарлар, қызметтер немесе жұмыс түрлерінің жүйеленген тізімі. Ол есепті автоматтандыру, бизнес-процестерді басқару, сондай-ақ есептілікті қалыптастыру үшін қажет. Номенклатураны дұрыс жүргізу өнімдер мен қызметтермен жұмысты тиімді ұйымдастыруға әрі есеп пен есептіліктің дәлдігін қамтамасыз етуге мүмкіндік береді.
Номенклатураны құру алгоритмі
1 — ші қадам. Номенклатура бөліміне өту
Келесі бөлімге өтіңіз: Компания → Все справочники → Номенклатура.
Бұл бөлімде номенклатураның барлық позицияларын басқару жүзеге асырылады: элементтерді құру, өңдеу және жою.
2 — ші қадам. Номенклатура санатын құру
- Создать батырмасын басыңыз.
- Ашылған мәзірден номенклатураға сәйкес келетін санатты таңдаңыз (мысалы, тауарлар, қызметтер, сертификаттар және т. б.).
- Санатты таңдағаннан кейін осы санаттың карточкасын толтыру формасы ашылады.
3 — ші қадам. Номенклатура санатының карточкасын толтыру
Негізгі деректер:
- Тип номенклатуры — элемент түрін көрсетіңіз: тауар, қызмет, жұмыс, сертификат және т. б.
- Наименование — жүйеде элементті тануға арналған атауды енгізіңіз.
- Группа — қажет болса, тауарларды жіктеу үшін топты таңдаңыз (түрлері, бағыттары бойынша және т. б.).
- Единицы измерения — тауар немесе қызмет үшін өлшем бірлігін көрсетіңіз (мысалы, дана, метр, литр, килограмм және т. б.).
Есептік ақпарат:
- Способ списания — бөлшек сауда үшін FIFO әдісін қолдану ұсынылмайды, өйткені ол жекелеген позициялар бойынша өзіндік құн есебін күрделендіруі мүмкін.
- Срок исполнения — ішкі параметр (мысалы, жұмысты орындау немесе қызмет көрсету мерзімі), ресми құжаттарда көрсетілмейді.
- Ставка НДС — тауар немесе қызмет үшін қолданыстағы ҚҚС мөлшерлемесін көрсетіңіз.
- Признак подакцизного товара — элемент акциздік есепке жатса, осы параметрді белгілеңіз.
Қажетті деректердің бәрін толтырғаннан кейін Записать и закрыть батырмасын басыңыз.
4 — ші қадам. Номенклатураның нақты позициясын қосу
- Оң жақ бағаннан бұрын жасалған санатты таңдаңыз.
- Создать батырмасын басыңыз.
- Жүйе санат карточкасындағы деректерді автоматты түрде көшіреді.
- Қосымша мына реквизиттерді көрсетіңіз:
- Наименование для внутреннего использования — ұйым ішінде пайдаланылатын атау.
- Наименование для документов — құжаттарда көрсетілетін міндетті реквизит.
- Артикул — қажет болса, артикулды көрсетіңіз.
- Габариты — қажет болған жағдайда тауардың өлшемдерін көрсетіңіз.
- Описание — тауардың сипаттамасын, ерекшеліктерін нақтылау үшін мәтін қосыңыз.
Деректерді енгізгеннен кейін Записать и закрыть батырмасын басыңыз.
5 — ші қадам. Номенклатураның қосымша параметрлерін баптау
Номенклатураны құрғаннан кейін қосымша параметрлерді баптауға болады:
-
- Тауарлар мен қызметтер үшін сату бағаларын орнату.
- Есепке алуды және сканерлеуді жеңілдету үшін штрихкодтар беру.
- Байланысты құжаттарды қарау (мысалы, түсімдер, өткізулер, қойма қозғалыстары) — деректерді тексеру үшін.
Қорытынды
1С:УНФ 3.0 жүйесінде номенклатура құру екі негізгі кезеңнен тұрады:
- Номенклатура санатын қалыптастыру — тауарлар, қызметтер және жұмыстарды топтастыруға арналған құрылым жасау.
- Нақты позицияларды қосу — әр элемент бойынша ақпаратты егжей-тегжейлі енгізу, соның ішінде бағалар, сипаттама және есептік деректер.
Номенклатура карточкаларын дұрыс толтыру тауарлар мен қызметтерді дұрыс есепке алуды қамтамасыз етеді, жүйеде элементтерді іздеуді жеңілдетеді және қаржылық есептіліктің айқындығын арттырады.
