Webkassa-дан 1С:WebKassa-ға көшу, ОФД тіркеуін растау және ОФД токенін ауыстыру

1. Жалпы ережелер

Webkassa-ның браузерлік нұсқасын және 1С:WebKassa нұсқасын бір мезетте пайдалану рұқсат етілмейді, себебі олардың қызмет көрсету тарифтері әртүрлі.

Егер бұған дейін жұмыс браузерлік Webkassa нұсқасында жүргізіліп, кейін 1С:WebKassa сервисін пайдалану туралы шешім қабылданса, кассаны бір нұсқадан екіншісіне көшіру қажет.

Бұл операция үшін конфигурацияда арнайы «Перевод кассы» командасы қарастырылған, ол «Управление кассами» бөлімінде мына жолмен қолжетімді:

«Добавление кассы» → «Перевод кассы».

2. Касса көшіру формасына өту

Кассаны көшіру үшін:

1. «1С:WebKassa» бөлімін ашыңыз;
2. «Управление кассами» жұмыс орнына өтіңіз;
3. «Добавление кассы» батырмасын басыңыз;
4. «Перевод кассы» командасын таңдаңыз.

Осыдан кейін көшіру формасы ашылады. Онда көшірілетін касса деректерін, 1С серіктесі туралы мәліметтерді, активация ақпаратын және қосылатын жабдық параметрлерін көрсету қажет.

3. Көшірілетін касса деректерін толтыру

Касса көшіру формасында бұрын браузерлік Webkassa нұсқасында пайдаланылған және енді 1С:WebKassa сервисіне көшірілетін касса туралы мәліметтер көрсетіледі.

3.1. Көшірілетін кассаның деректері

Пайдаланушы мына өрістерді толтыруы тиіс:

• Номер кассы — 1С:WebKassa нұсқасына көшіру қажет кассаның зауыттық нөмірі;
• Код подтверждения — 1С:WebKassa сервисіне көшірілетін кассаның растау коды.

Кассаның растау кодын Webkassa интерфейсінен табуға болады.

4. 1С серіктесі деректерін көрсету

Кассаны көшіру үшін қызмет көрсететін 1С серіктесін де көрсету қажет.

Формада келесі деректер толтырылады:

• Партнёр 1С — кассаға қолдау көрсететін серіктесті таңдаңыз;
• Код подтверждения партнёра — кассаға қызмет көрсететін серіктестің растау коды.

Серіктестің растау коды Webkassa жүйесінде көрсетіледі. Әдетте ол ұйымның профилінде немесе Webkassa серіктес кабинетінде болады.

Дұрыс серіктес деректерін көрсету міндетті, себебі олар кассаны 1С:WebKassa сервисінде сүйемелдеуге көшіру рәсімін аяқтау үшін қажет.

5. Активация ақпараты

Кассаны көшіру үшін пайдаланушыға алдын ала 1С серіктесінен 1С:WebKassa картасын сатып алу қажет.

Картада келесі деректер көрсетіледі:

• активациялық код (скретч-код);
• активациялық картаның нөмірі.

Бұл деректер «Информация активации» бөліміне енгізіледі.

Активация деректерін енгізбей, кассаны 1С:WebKassa сервисіне көшіруді аяқтау мүмкін емес.

6. Ұйымды көрсету

Касса деректерінде көшірілетін касса тиесілі болатын ұйым да көрсетілуі тиіс.

Ұйым анықтамалықтан таңдалады және 1С:WebKassa сервисінде жұмыс жүргізілетін ұйымға сәйкес болуы керек.

Қосылатын жабдық:

Егер ақпараттық базаға дейін ККМ кассасын баптау орындалмаса, кассаны тіркеу формасында «Создать оборудование» жалаушасын орнатыңыз. Бұл жағдайда жүйе автоматты түрде «АПК ККМ Webkassa 2.0 – с функцией передачи данных» атты жаңа қосылатын жабдықты жасайды.

• Наименование – тіркеуден кейін автоматты түрде құрылатын жабдықтың атауын пайдаланушы көрсетеді.

Егер ақпараттық базаға қосылатын жабдық бұрыннан жасалған болса, оны тіркелетін ККМ кассамен «байланыстыруға» болады. Ол үшін «Использовать существующую» командасын таңдаңыз және ККМ ретінде бар қосылатын жабдық нұсқасын көрсетіңіз.

Төменде кассаны көшіру формасы көрсетілген:

Егер көшіру кезінде сериялық нөмірі толтырылған бар ККМ кассасы пайдаланылса, тіркеуден кейін ол нөмір жаңартылады.

Кассаны 1С:WebKassa сервисінде тіркегеннен кейін жүйе кассаға SWK… деп басталатын зауыттық нөмір (ЗНК) автоматты түрде береді. Оны «Управление кассами» бөлімінде көруге болады:

«Управление кассами» формасында әрбір тіркелген ККМ кассасы үшін кассаның тіркеу карточкасын сақтау қолжетімді («Скачать карточку кассы» батырмасы). Бұл карточка кассаны мемлекеттік кірістер органдарында тіркеу және ОФД-мен шарт жасасу үшін қажет.

ККМ кассасы мемлекеттік кірістер органдарында тіркеліп, ОФД-мен шарт жасалғаннан кейін, 1С:WebKassa сервисінде тіркелген касса үшін тіркеу нөмірін, сәйкестендіру нөмірін және ОФД токенін көрсету қажет, осылайша мемлекеттік органдардағы тіркеуді растау жүзеге асырылады.

Кассаны мемлекеттік кірістер органдарында және ОФД серверінде тіркеуді растау «Операции с ОФД» – «Подтверждение регистрации в ОФД» батырмасы арқылы орындалады.

Ашылған формада алдыңғы қадамда алынған тіркеу деректері көрсетіледі.

«Подтвердить регистрацию» батырмасы басылғаннан кейін кассаның тіркеу деректері 1С:WebKassa сервисіне жіберіледі.

Егер сұрауды орындау барысында қате туындаса, қателіктің сипаттамасы бар хабар көрсетіледі. Келесі кезеңге өту үшін оны түзету қажет.

Кассаны тіркеу кезінде ОФД токені беріледі — бұл ОФД серверімен деректер алмасудың ауыстырылатын кілті. Токен ККМ мен сервер арасында байланысты бастапқы баптау үшін, яғни ККМ-де алғашқы фискалдық операцияны өткізу кезінде қажет.

Кейін ОФД сервері сұрауларға жауап ретінде өзгерген ОФД токенін қайтара алады. Кейбір ақаулар кезінде токен жоғалуы мүмкін (кассалар интерфейсінде дұрыс емес токен туралы хабар шығады). Мұндайда оны қайта шығарып, ККМ-ге енгізу қажет. Сондай-ақ ОФД токенін пайдаланушы ОФД сайтының жеке кабинетінде «қолмен» өзгерте алады. Токен өзгертілсе, оны 1С:WebKassa сервисінде де жаңарту керек.

Токенді 1С:WebKassa сервисінде өзгерту «Управление кассами» бөліміндегі «Операции с ОФД» – «Смена токена ОФД» арқылы ашылатын арнайы формада орындалады.

Формада жаңа токенді көрсетіп, «Изменить токен ОФД» батырмасын басыңыз.