Қазақстанда салықтық тексерулерді тағайындау негіздерін толықтыру жоспарлануда. Автоматтандырылған рәсімнен тыс анықталған салық және өзге заңнама бұзушылықтары жаңа негіз ретінде қарастырылуы мүмкін.
Қазір тексерулерге арналған салық төлеушілер тізімдері Тәуекелдерді басқару жүйесі (ТБЖ) негізінде қалыптастырылады. Дегенмен анықталған тәуекелдер әрдайым бұзушылықтармен растала бермейді. Сондықтан Мемлекеттік кірістер комитеті (МКК) іріктеуді біріздендіруді ұсынып отыр: автоматтандырылған талдаудан кейін салық төлеушілердің бір бөлігі таңдама тәртіппен тексеріледі.
Мысалы, 100 салық төлеушінің ішінен бесеуін таңдап, анықталған тәуекелдердің расталған-расталмағанын тексереді. Олар расталса, іріктеу автоматтандырылған режимде жалғасады.
Өзгерістерді іске асыру үшін салықтық тексерулерді тағайындаудың негіздерін айқындайтын Қаржы министрінің міндетін атқарушының 2025 жылғы 31 қазандағы № 659 бұйрығына түзету енгізу жоспарланып отыр.
