- Шағын бизнеске тексерулерді кейінге қалдыру.
Шағын бизнеске тексерулерге мораторий 2023 жылдың соңына дейін ұзартылды. Алайда ерекшеліктер болуы мүмкін, мемлекеттік органдар жоспардан тыс тексеру жүргізе алады. Мүмкін тексерулердің себептерінің бірі – ҚР заңнамасының талаптарын сақтамау.
- 910-нысандағы жеңілдетілген декларацияны қалай тапсыруға болады.
2022 жылғы 15 тамыз – бизнес субъектілері үшін 1-жартыжылдық бойынша жеңілдетілген салық декларациясын тапсырудың соңғы күні. Декларацияны мына арқылы жіберуге болады:
- «Салық төлеушінің кабинеті» веб-қосымшасы;
- ИС «СОНО» бағдарламасы;
- Halyk Bank мобильді қосымшасы.
Сондай-ақ декларацияны қағаз түрінде де тапсыра аласыз.
- «Қызметкердің жеке ісі» сервисі іске қосылды.
Еңбек ресурстары порталында жұмыс беруші осы сервистің көмегімен, жұмысқа үміткердің немесе қызметкердің келісімі болған жағдайда, жұмысқа орналастыруға қажетті құжаттардың электрондық топтамасын сұрата алады. Сондай-ақ жұмыс беруші қызметкердің қатар жұмыспен қамтылуы бар-жоғын тексере алады.
- Микроқаржы ұйымдары есепті жаңа стандарттар бойынша жүргізуге міндеттелді.
26.07.2022 бастап микроқаржы ұйымдары міндетті:
- қаржылық есептілікті және аудиторлық есепті Қаржылық есептіліктің депозитарийіне тапсыру;
- есепке алуды ХҚЕС-қа сәйкес жүргізу;
- мұндай ұйымның бас бухгалтері кәсіби бухгалтер сертификатына ие болуы тиіс.
Қызметкерлерге «өтпелі кезең» берілді: олар сертификатты 2022 жылдың соңына дейін алуы керек.
- АҚС шарты бойынша әлеуметтік аударымдар.
ҚР Еңбек және халықты әлеуметтік қорғау министрлігі ҚР Әлеуметтік кодексінің жаңа жобасын әзірледі. Қазір ол талқылау сатысында. Құжатта азаматтық-құқықтық сипаттағы шарттарға ерекше назар аударылған: АҚС шарты бойынша төлемдерге әлеуметтік сақтандыру жарналарын төлеу ұсынылады.
