Өзгерістердің негізгі бағыттары:
- қолданыстағы салық режимдерін қайталануды жою үшін қысқарту және біріктіру;
- өзін-өзі жұмыспен қамтыған азаматтарға арналған жаңа режимді енгізу;
- шағын және орта бизнес үшін жағдайларды жақсарту;
- аграрлық сектор үшін салықтық преференцияларды сақтау.
Өзін-өзі жұмыспен қамтығандарға арналған жаңа АСР
Өзін-өзі жұмыспен қамтығандар үшін арнайы салық режимін енгізу кірістерді заңдастыруға және міндеттемелерді орындауды жеңілдетуге маңызды қадам болады.
Жаңа режимнің негізгі ерекшеліктері:
- жеке кәсіпкер ретінде тіркелу талап етілмейді;
- табыстан алынатын салық мөлшерлемесі — 0%;
- міндетті тек әлеуметтік төлемдер, мөлшері — табыстың 4%;
- барлық міндеттемелерді мобильді қосымша арқылы орындау мүмкіндігі;
- интернет-платформалар арқылы алынған табыстар бойынша әлеуметтік төлемдерді ұстап қалу және аударуды платформа операторы жүзеге асырады.
Бұл тәсіл азаматтарға өз табыстарын ресми есепке алуға, салық жүктемесін барынша азайтуға және күрделі тіркеу рәсімдерінсіз құқықтық алаңда қалуға мүмкіндік береді.
Шағын және орта бизнеске арналған АСР
Шағын және орта бизнес үшін оңайлатылған декларация негізіндегі режим сақталады, оны қолдану шарттары икемдірек әрі тиімдірек болады:
- табыстың ең жоғары шегі 2,5 млрд теңгеге дейін ұлғайтылды;
- қызметкерлер саны бойынша шектеу жоқ;
- бірыңғай салық мөлшерлемесі — 4%, мәслихаттар оны ±2% шегінде өзгерте алады;
- ҚҚС пен әлеуметтік салықтан босату сақталады;
- есептілік жылына екі рет тапсырылады.
Бұл шаралар әкімшілік жүктемені азайтуға және кәсіпкерліктің дамуын ынталандыруға бағытталған.
Аграрлық сектордағы өзгерістер
Бірыңғай жер салығының күшін жоюға байланысты, бұрын КФХ үшін АСР қолданған шаруа және фермер қожалықтары (ШФҚ) жеке табыс салығын бұрынғы шарттармен және сол мөлшерлемелер бойынша төлеуді жалғастырады.
Бұдан бөлек, бұған дейін жекелеген салықтар бойынша 70% көлеміндегі жеңілдікті пайдаланған субъектілер жалпыға бірдей белгіленген режимге өткен кезде де осы преференцияларды сақтайды.
