Инвестициялық қызметті кеңейту және жасанды интеллектті енгізу
Қабылданған түзетулер банктерге, сақтандыру компанияларына және олардың еншілес құрылымдарына финтех-жобаларға белсендірек инвестиция салуға мүмкіндік береді. Сонымен қатар жасанды интеллектті пайдалану енгізіледі — ол алаяқтық тәуекелдерін азайтуға және несиелік скорингтің дәлдігін арттыруға көмектесуі тиіс.
Қарыз алушыларды қорғау
Заң проблемалық берешек бойынша жеке тұлғалардың дауларын шешуде Қаржылық омбудсменнің рөлін бекітеді. Сондай-ақ азаматтардың берешегін коллекторларға беруге мораторий ұзартылды — ол 2027 жылғы 1 мамырға дейін қолданылады.
Ұлттық цифрлық қаржы инфрақұрылымы
Маңызды жаңалықтардың бірі — Ұлттық цифрлық қаржы инфрақұрылымын іске қосу. Оның құрамына мыналар кіреді:
- банкаралық мобильді төлемдер жүйесі;
- төлемді жеңілдетіп, стандарттауға арналған бірыңғай QR-код.
Электрондық сервистер және сақтандыру тетіктерін жетілдіру
Заң бойынша сақтандыру шарттарын электрондық түрде бұзу немесе мерзімінен бұрын тоқтату мүмкіндігі көзделген. Қарыз алушылар берешекті ұжымдық тәртіппен реттеу туралы өтініш бере алады. Қосымша, жеке және заңды тұлғалар үшін банкроттық тетіктері жетілдіріледі.
Қарыз немесе микрокредит мерзімінен бұрын өтелген жағдайда сақтандыру компаниялары сақтандыру сыйлықақысын бес жұмыс күні ішінде қайтаруға міндетті. Банктерге мемлекеттік сыйлықақысыз тұрғын үй құрылыс жинақтарын тарту құқығы беріледі.
