2025 жылғы 28 маусымнан бастап электрондық цифрлық қолтаңба (ЭЦҚ) кілттерін беру тек жеке қатысу және биометриялық сәйкестендіруден өту арқылы ғана мүмкін болады. ЭЦҚ алу құқығын сенімхат арқылы Халыққа қызмет көрсету орталықтарында (ХҚКО) беру енді тыйым салынды.
Егер биометриялық тексеруден өте алмасаңыз немесе жеке тұлғалардың мемлекеттік дерекқорында фотосуретіңіз жоқ болса, алдымен өз компьютеріңізден ЭЦҚ шығару өтінімін беруіңіз керек. Одан кейін Халыққа қызмет көрсету орталығында (ХҚКО) не шетелдегі өкілдікте жеке сәйкестендіруден өту қажет.
Бұл өзгерістер ЭЦҚ ресми түрде жеке қолтаңбамен теңестіріліп, толық заңдық күшке ие болғандықтан енгізіліп отыр. Күшейтілген сәйкестендіру талаптары үшінші тұлғалардың ЭЦҚ-ны заңсыз иеленуінің алдын алуға және киберқауіпсіздік деңгейін арттыруға бағытталған.
Қағидалар Қазақстан Республикасы Цифрлық даму министрінің 2025 жылғы 4 маусымдағы № 212/НҚ бұйрығына сәйкес күшіне енеді.
