Қазақстанда таңбалануға тиіс тауарлар тізімі кеңейтіледі. Жекелеген тауар топтары бойынша таңбалауды енгізудің мынадай мерзімдері белгіленді:
- қозғалтқыш майлары — 2025 жылдың соңына дейін;
- сыра өнімдері — 2026 жылғы ақпаннан бастап;
- жеңіл өнеркәсіп тауарлары — 2026 жылғы наурыздан бастап;
- зергерлік бұйымдар — 2026 жылғы желтоқсаннан бастап;
- биологиялық белсенді қоспалар — 2027 жылдан бастап.
Нарықтың ашықтығын қамтамасыз ету және баға қалыптастыруды бақылау үшін Сауда және интеграция министрлігі «Қазақтелеком» АҚ-пен бірлесіп Тауарларды қадағалау ақпараттық жүйесін (ТҚАЖ) енгізуде. Ол нақты уақыт режимінде әлеуметтік маңызы бар азық-түлік тауарларының (ӘМАТ) қорлары мен көлемдерін бүкіл жеткізу тізбегі бойынша мониторингтеуге мүмкіндік береді.
Қазір Қазақстанда міндетті таңбалау үш тауар тобына қолданылады: темекі өнімдері, аяқ киім, дәрілік заттар.
