Жаңа хаттамада не өзгерді
2.0.3 нұсқасында жаңа мүмкіндіктер мен сервистер қосылды. Атап айтқанда, ККМ-ді Ұлттық тауарлар каталогына автоматты түрде қосу тетігі іске асырылды. Сондай-ақ ФДО тарапында геолокацияны анықтау функциясы пайда болды, бұл кассаның нақты орналасқан жерін дәл тіркеуге мүмкіндік береді.
Жаңа хаттамаға көшу мерзімдері
Аппараттық-бағдарламалық кешен түріндегі ККМ қолданатын салық төлеушілер үшін жаңа нұсқаға көшуге шекті мерзім белгіленді. ККМ-ді 2.0.3 нұсқасындағы Хаттамаға сәйкес қайта бағдарламалау 2025 жылғы 17 қазанға дейін орындалуға тиіс еді.
Жаңартуды орындау үшін мына жерге жүгініңіз:
- ККМ әзірлеушілеріне;
- ККМ техникалық қызмет көрсету орталықтарына.
Ескі хаттаманы тоқтату
2026 жылғы 1 сәуірден бастап ФДО-ның 2.0.2 нұсқасындағы Хаттамасы толық тоқтатылады. Бұл жаңа нұсқаға көшірілмеген ККМ деректерді дұрыс жібере алмайтынын білдіреді.
Ukassa қызметіндегі жаңартулар
2025 жылғы 15 қазаннан бастап Ukassa қызметі 2.0.3 нұсқасындағы Хаттамамен жұмыс істейді. Жаңартудан кейін не өзгереді:
- GTIN және NTIN қолдауы — Ұлттық тауарлар каталогының деректерін пайдалануға болады;
- Қайтарымның жаңартылған тетігі — деректер автоматты түрде жіберіледі;
- ФДО арқылы ККМ геолокациясын беру қосылды;
- Есептеулердің дәлдігі мен деректерді сақтаудың сенімділігі артты.
Жаңарту қалай өтеді
Көп жағдайда жаңарту автоматты түрде орнатылады және пайдаланушыдан қосымша әрекет талап етілмейді. Ерекше жағдай — акциздік тауарлармен жұмыс. Мұндайда өріс түрін өзгерту қажет (excise_stamp өрісінің түрін text-тен list[text]-ке ауыстырыңыз).
