Жаңа Салық кодексі 2025 жылғы 1 шілдеге дейін қабылданып, 2026 жылғы қаңтарда күшіне енеді. Бұл туралы ҚР Ұлттық экономика министрі Нұрлан Байбазаров Үкімет отырысында айтты.
Жаңа Салық кодексінде әкімшілендірудің сервистік моделі енгізіледі, салық төлеушілерді тіркеу жеңілдетіледі, салықтық есептілік қысқарады, ал бақылау цифрландырылады.
Азамат Амриннің айтуынша, пайданы өндіріске қайта инвестициялау үшін кешенді тәсілдер әзірленді, арнайы салық режимдері оңтайландырылды, бизнесті бөлшектеу тәуекелдерін төмендету шаралары қабылданды. Сондай-ақ Бірыңғай жинақтаушы зейнетақы қорынан (БЖЗҚ) азаматтарға төленетін зейнетақы төлемдерін жеке табыс салығынан босату жоспарланып отыр.
Бұдан бөлек, жаңа Салық кодексінен жоспарлы салықтық тексерулер алынып тасталды және берешек мөлшері шамамен 5 миллион теңге болған жағдайда төлем мерзімін кейінге шегеру туралы норма енгізілді.
