Қазақстан Республикасы Қаржы министрлігінің Мемлекеттік кірістер комитеті 2026 жылғы 1 қазанға берешегі бар салық төлеушілер мен кедендік төлемдер төлеушілері туралы мәліметтерді жариялады.
МКК берешегі барлардың тізімін екі санат бойынша жариялады:
- Салықтық берешек. 50 575 ЖК, жеке практикамен айналысатын адамдар, заңды тұлғалар және олардың құрылымдық бөлімшелері. Тізімге берешегі белгіленген шекті мөлшерден асатын және туындаған күннен бастап төрт ай ішінде өтелмегендер енгізілді.
- Кедендік төлемдер бойынша берешек. 1 393 төлеуші, олардың кедендік төлемдері, салықтары, арнайы, демпингке қарсы және өтемақы баждары, өсімпұлдары не пайыздары төрт айдан астам уақыт ішінде өтелмеген.
Егер өзіңізді осы тізімдердің бірінен тапсаңыз, берешектің себебі мен оны өтеу тәртібін нақтылау үшін Мемлекеттік кірістер басқармасына жүгініңіз.
