Қазақстан Республикасы Ұлттық экономика министрлігі «Жеке кәсіпкерлікті мемлекеттік қолдау шаралары шеңберінде іске асырылатын жобаларға мониторинг жүргізу қағидаларын бекіту туралы» бұйрық жобасын дайындап, оны қоғамдық талқылауға ұсынды.
Не ұсынылады
Бұйрық жобасында мынадай қолдау түрлерін алатын кәсіпкерлік жобаларын мониторингтеу тетігі сипатталған:
- субсидиялау;
- кепілдендіру;
- гранттық қаржыландыру.
Мұндай жобалардың мемлекеттік бағдарламалар талаптарына сәйкестігін тексеру, сондай-ақ кәсіпкерлік бастамаларды іске асыруға бөлінген қаражатты мақсатты пайдалануын бақылау көзделген.
Бұдан бөлек, құжатта кәсіпкерлердің қарсы міндеттемелерінің орындалуын бағалау тәртібі айқындалады. Атап айтқанда, жаңа жұмыс орындарын құру, бюджетке салық төлеу және өзге де тиімділік көрсеткіштері қарастырылған.
Талқылау мерзімі
Бұйрық жобасы 2025 жылғы 21 тамызға дейін жария талқылауға ұсынылды. Ұсыныстарды, ескертпелер мен пікірлерді ресми Ашық НҚА порталы арқылы жолдай аласыз.
