«1С: Бухгалтерия для Казахстана»-да есеп жүргізуді бастамас бұрын, салық есебіне арналған есеп саясатын дұрыс баптау қажет. Бұл мақалада жалпыға бірдей белгіленген салық салу тәртібін қолданатын ұйым үшін баптаудың қадамдық үдерісі қарастырылады.
1 — ші қадам: Есеп саясатының баптауларына кіру
«Предприятие» бөлімін ашып, «Учетная политика (налоговый учет)» тармағын таңдаңыз.
2 — ші қадам: Жаңа есеп саясатын жасау
«Создать» батырмасын басып, төрт бөлімнен тұратын пішінді толтырыңыз: «Основной», «НДС», «Зарплата» және «Налоги, взносы, отчисления».
1 — бөлім: Негізгі
Ұйым туралы базалық мәліметтерді толтырыңыз:
- Салық кезеңінің басталу күні.
- Ұйымның атауы.
- Компания және қызметкерлер табысына салық салу тәртібі.
- КТС, ҚҚС және акциздерді есепке алу қажеттілігі.
2 — бөлім: ҚҚС
Салық кезеңін және ҚҚС-ты есепке жатқызу әдісін көрсетіңіз. Мысалда тоқсандық кезең және пропорционалды әдіс таңдалған.
3 — бөлім: Еңбекақы
Еңбекақы есебінің параметрлерін баптаңыз:
- Қызметкерлер табысын тіркеу кезеңі бойынша көрсету.
- Еңбекақы бойынша берешекті жабу тәртібі: «Зарплата к выплате» құжаты бойынша немесе FIFO әдісімен.
- Салықтар, жарналар және ұсталымдарды ұйым және бөлімшелер бойынша бөлу.
4 — бөлім: Салықтар, жарналар және аударымдар
Салықтарды есепке алу ережелерін орнатыңыз:
- 200.00 нысанын автоматты түрде толтыру үшін «при исчислении» параметрін көрсетіңіз.
- Әлеуметтік салықты есептеу үшін 9,5% мөлшерлемесін қолдансаңыз, «Общеустановленный порядок» тармағын таңдаңыз.
3 — ші қадам: Баптауларды сақтау
Барлық бөлімдерді толтырғаннан кейін «Записать и закрыть» батырмасын басыңыз. Есеп саясатын баптау аяқталды.
Есеп саясатын дұрыс баптаудың артықшылықтары
- Салықтарды есептеу мен есепке алуды автоматтандыру.
- Заңнама талаптарына сәйкестік.
- Есеп пен есептіліктегі қателер ықтималдығын азайту.
Осы қадамдар «1С: Бухгалтерия для Казахстана»-да салық есебін дұрыс баптауға Сізге көмектеседі және ұйымыңыздың барлық салықтық міндеттемелерін дәл әрі уақтылы орындауды қамтамасыз етеді.
