ҚҚС төлеушілерге арналған 1С-та 300 нысанды толтыру нұсқаулығы
ҚҚС төлеуші компаниялар 300 нысан бойынша салық есептілігін тұрақты түрде тапсыруы тиіс. Есепті 1С арқылы жүргізу бұл процесті айтарлықтай жеңілдетеді: 300 нысанды автоматты толтыруға мүмкіндік береді және қолмен дерек енгізуді болдырмайды. Ол үшін бағдарламаны дұрыс баптау және оның жаңартуларының өзектілігін бақылау маңызды. Осы нұсқаулықта 1С-та 300 нысанды толтыру процесі толық қарастырылады.
1 — ші қадам: Тауарлы-материалдық қорлардың (ТМҚ) түсімі мен өткізу түрлерін баптау
«Предприятие» ішкіжүйесіне өтіп, «Налог на добавленную стоимость» бөлімін таңдаңыз.
«Виды поступления ТМЗ» баптаңыз.
Ол үшін әр түрін ашып, «Отражение в декларации» бағанында мынаны көрсетіңіз:
- Күні;
- Айналым түрі;
- 300 нысан жолдарының классификаторынан тиісті жол.
Маңызды: Егер 300 нысанның құрылымы өзгеріп, қажетті жол жоқ болса, релиз бен нысанның өзектілігін тексеру үшін техникалық мамандарға жүгініңіз.
Әр өткізу түрі үшін жолдарды баптауға өтіңіз.
2 — ші қадам: Түсім және өткізу құжаттарын баптау
Түсім мен өткізудің түрлерін баптауды аяқтағаннан кейін, құжаттарда (түсім, өткізу, қайтарым, импорт құжаттары) ҚҚС мөлшерлемесіне қарай дұрыс айналым түрін қолдану маңызды.
- Импорт бойынша ГТД (жүк кедендік декларациясы) құжатында ҚҚС бойынша айналым түрімен қатар, декларацияда көрсетілген түріне байланысты үш нұсқаның біріне сәйкес ҚҚС мөлшерлемесін де ескеріңіз.
- Тауар экспорты үшін ҚҚС мөлшерлемесін 0% етіп көрсетіңіз. Әйтпесе сату «Товары, реализованные без НДС» жолдарына түседі.
- ҚҚС-сыз мөлшерлемемен өткізілген тауар неғұрлым көп болса, есепке жатқызылатын ҚҚС соғұрлым аз болады.
Ескерту: Айды жабу кезінде жүйе ҚҚС сомасының бір бөлігін есепке жатқызу мүмкін еместігі туралы хабарлауы мүмкін.
3 — ші қадам: Айды жабу және ҚҚС-ты есепке жатқызу рәсімі
- ҚҚС-ты есепке жатқызу бойынша «закрытия месяца» рәсімін тоқсан сайын жүргізіңіз. Бұл қайтарылуға жататын ҚҚС-ты дұрыс есептеу мен есепке алу үшін қажет.
- регламентированные отчеты бөліміне өтіп, 300 нысаны бойынша жаңа есеп жасаңыз.
4 — ші қадам: 300 нысанды толтыру
- Кезеңді енгізіңіз, салық комитетін таңдаңыз да «Открыть» батырмасын басыңыз.
- Нысан жүктелген соң «Заполнить» түймесін басыңыз. Құжаттар дұрыс бапталып, ҚҚС бойынша айналым түрлері дұрыс көрсетілсе, 300 нысан автоматты түрде толтырылады.
- Ескерту: 7 және 8-қосымшаларды толтыру қажет емес, егер тек электрондық шот-фактуралар қолданылса. Қағаз түрінде шоттар жазылған жағдайлардан басқа.
5 — ші қадам: Шот-фактураларды және деректердің дұрыстығын тексеру
- Түсім немесе өткізу құжаттарында шот-фактуралардың дұрыс қалыптасқанын тексеріңіз. Егер құжат қате түрде электрондық деп белгіленсе, белгіні «бумажный» етіп өзгертіп, сақтаңыз.
- Нысанның дерлік әр жолын ашып, енгізілген деректердің дұрыстығын тексеруге болады.
- Есептеулерді тексеріңіз: ҚҚС-пен жалпы айналымды 12%-ға көбейтіңіз. Нәтиже тиісті жолдағы ҚҚС сомасына сәйкес келетінін растаңыз.
Ескерту: Егер қорытынды сома сәйкес келмесе, өткізу (3130) және түсім (1421) шоттары бойынша талдау жүргізіңіз. Толық тексеру үшін оборотно-сальдовую ведомость және универсальный отчет по метаданным қалыптастырыңыз.
6 — ші қадам: Талдау және қателерді тексеру
- Құжаттарды талдап, көрсетілген ҚҚС мөлшерлемелері мен айналым түрлерінің дұрыстығына көз жеткізіңіз.
- Шот-фактуралар бойынша деректерді, импорт және экспорт операцияларының дұрыстығын тексеріңіз. Егер кейбір түсім құжаттары қайталанса немесе деректер сәйкес келмесе, есепте қателер туындауы мүмкін.
- Барлық өзгертулерден кейін «Закрытие месяца» құжатын қайтадан өткізіңіз.
7 — ші қадам: Толтыруды аяқтау және нысанды жіберу
- 300 нысан толтырылғаннан және тексерілгеннен кейін, есептегі деректердің шоттардағы (3130 және 1421) ҚҚС деректерімен сәйкес екеніне көз жеткізіңіз.
- 300 нысанды XML форматында экспорттаңыз (шығарыңыз) — кейін салық органына жіберу үшін.
- Нысанды СОНО арқылы жіберуге болады. Көп жағдайда салық төлеушінің жеке кабинетіне тікелей жүктеу мүмкін емес.
Қорытынды: 1С-тағы баптауларды уақтылы жаңартып, қажетті параметрлерді мұқият баптау 300 салықтық нысанды дұрыс толтыруды және есепті салық органына дұрыс тапсыруды қамтамасыз етеді.
