Егер осы жеткізушіден жаңа тауар алғаш рет сатып алынса және жеткізуші мен сатып алушы номенклатуралары синхрондалмаған болса, бағдарламада «Кіріс (акт, жүкқұжат)» құжаты автоматты түрде құрылмайды.
Бұл жағдайда «ЭДО бойынша ағымдағы істер» бөліміндегі «Есепте көрсету» бумасында келіп түскен электрондық құжат арнайы белгішемен белгіленіп, «Номенклатураны сәйкестендіру» гиперсілтемесі көрсетіледі. Сәйкестендіру бір рет орындалады, кейін деректер соның негізінде толтырылады.
Номенклатураны сәйкестендіру формасын келесі жолмен ашуға болады:
— «Есепте көрсету» бумасындағы «Номенклатураны сәйкестендіру» гиперсілтемесі арқылы
— «Есепте көрсету» бумасындағы «Номенклатураны сәйкестендіру» түймесі арқылы
— «Сәйкестендіру» бумасындағы «Номенклатураны сәйкестендіру» түймесі арқылы
— электрондық құжатты қарау формасындағы «Сәйкестендірілмеген» гиперсілтемесі арқылы.
Ашылған терезеде жеткізуші номенклатурасына сәйкес келетін ақпараттық базаның номенклатурасын көрсету қажет. Автоматты іздеу қарсы тарап деректеріне сәйкес келетін номенклатураларды ұсынады.
Егер автоматты іздеу бірнеше нұсқа ұсынса, іздеу дәлдігін арттырыңыз немесе қажетті нұсқаны қолмен таңдаңыз.
Қалған позициялар үшін соған сәйкес бар номенклатураны көрсету қажет. Ол үшін «Номенклатура» бос өрісін басып, «Барлығын көрсету» гиперсілтемесіне өтіңіз.
Ашылған терезеде ақпараттық базадан қажетті номенклатураны таңдаңыз.
Егер номенклатура жоқ болса, оны қарсы тарап деректері негізінде құруға болады. Ол үшін қажетті жолды таңдап, «Қарсы тарап деректері негізінде құру» түймесін басыңыз.
Ашылған терезеде қажетті өрістер қарсы тарап деректері негізінде автоматты түрде толтырылады.
Барлық сәйкестіктер орнатылғаннан кейін «Сақтап жабу» түймесін басыңыз.
Номенклатура сәйкестендірілді, енді электрондық құжатпен жұмысты жалғастыра аласыз.
