Қазақстан Республикасының Салық кодексінің 110-бабының 1-тармағына сәйкес кәсіпкерлер деректерді тіркеу және беру функциясы бар бақылау-касса машиналарын — онлайн-кассаларды — қолдануға міндетті. Міндетті талаптардың бірі — тауар не қызмет үшін төленген толық сомаға чек беру. Сонымен қатар сатып алушы сұраса, кассалық чекте оның жеке сәйкестендіру нөмірі — ЖСН не БСН — көрсетілуі тиіс.
2026 жылы қандай айыппұлдар қолданылады
Салық органдары қолма-қол да, банк карталарымен есеп айырысқанда да БКМ қолдану қағидаларын сақтауды бақылауды жалғастырады.
Алғаш рет бұзған жағдайда кәсіпкерге ескерту беріледі. Алайда бір жыл ішінде қайталанса, айыппұл салынады:
- БКМ қолданбағаны, сондай-ақ ақаулы не тіркелмеген аппаратты пайдаланғаны үшін — 30-дан 50 АЕК-ке дейін айыппұл. 2026 жылы бұл сома 129 750–216 250 теңге;
- кассалық чекті бермегені немесе сомасы қате көрсетілген чек бергені үшін — 20-дан 40 АЕК-ке дейін айыппұл. 2026 жылы — 86 500–173 000 теңге.
Сатып алушылар нені білуі тиіс
Егер кассалық чек берілмесе, әрбір тұтынушы сатушы орналасқан жері бойынша мемлекеттік кірістер органдарына шағым бере алады.
